Weihnachten rückt in großen Schritten näher und so hatten wir am Samstag, den 17. Dezember 2016 unsere Weihnachtsfeier im Landhotel Schicklberg.

Unsere Jungmusiker unter der Leitung von Lisa Ohrfandl brachten uns mit den Liedern „Jingle Bells und Drummer Boy“ in Weihnachtsstimmung! Nach dem besinnlichen Teil, blieb noch genug Zeit für gemütliches Beisammen sein.

In diesem Sinne wünschen wir Euch mit diesem Gedicht von unserer Hanni Weingartmair „Frohe Weihnachten und ein schönes Fest mit euren Liebsten!“

A Liad !
Gibt nix was uns so fasziniert wia des was man so nennt „a Liad“
A Liad, des oan za Herzen geht is was, des jeder Mensch versteht

Es fangt oft an schon in da Wiagn des Baby kann schier gnua net kriagn
Es jauchzt und lacht und jubiliert singt d´Muata für ihr Kind a Liad.

Später dann im Kindergarten de Bauxerl kinnans kam dawartn
Und meistens gibt´s a gross Hurra wann d´Tante greift nach da Gittar

D´Schui und d´Jugend san a Zeit da geht´s um die Geschwindigkeit
Je schnella da die Musi spült desto jünga man si fühlt

Und d´Lautstärke is wiederum a weiteres Kriterium
Kannst kam dein eignes Wort nu hearn kurz gsagt, es is zum tearisch werdn.

Do a de Zeit geht vorbei und nach dem Tschin-Bum-Einheitsbrei
heart man genauer wieder hin auf Töne und auf Harmonien.

Empfinden tuats net jeder gleich do allesamt fühl´n ma uns reich
beschenkt durch schene Melodien wirkt oft af oan wia Medizin.

Des Liad begleit den Jahreskreis und hiazt, wos draussn kalt und weiss
Werdn stülla a de Melodien und zoagn schon auf de Weihnacht hin.

Wo Menschen solche Liada singan die ganz tiaf in uns einiklingan
dass ziagt de Ganslhaut uns auf und d´Herzen gengan ganz weit auf

Da gspür ma dass trotz aller Pracht was anders unser Lebm ausmacht
Drum wünsch i jedem der gern singt: dass lang in eahm nu nachiklingt.